ഫിസിക്കൽ മെഡിസിൻ ഡിപ്പാർട്ട്‌മെന്റിലെ റിസപ്ഷനിൽ തന്റെ പേരു വിളിക്കുന്നതും കാത്ത് അവൻ ഇരുന്നു. നടുവു വേദന മാറാൻ ഇനി കുറച്ചുകാലം ഫിസിയോ തെറാപ്പി ചെയ്ത് നോക്കാനും,IFT,UST ചെയ്തുകഴിഞ്ഞ് എക്‌സസൈസും ചെയ്താൽ വേദനയൊക്കെ പോകും എന്നും ഓർത്തോയിലെ ഡോക്ടർ പറഞ്ഞതുകൊണ്ട് ഫിസിയോ തെറാപ്പി ചെയ്യാനാണ് അവൻ എത്തിയത്. IFT,UST എന്താണന്ന് ചോദിച്ചപ്പോൾ അതൊക്കെ അവിടെ ചെല്ലുമ്പോൾ മനസിലാകും എന്ന് ഡോക്ടർ പറയുകയും ചെയ്തു.
പേര് വിളിച്ചപ്പോൾ അവൻ അകത്തേക്ക് ചെന്നു. അവന്റെ ട്രീറ്റ് മെന്റ് കാർഡും പിടിച്ച് ഒരു പെൺകൊച്ച് ചിരിച്ചു കൊണ്ട് നിൽക്കുന്നു.
"ദേ ആ മുറിയിൽ പോയി കിടന്നോ" അവൾ ഒരു മുറി ചൂണ്ടിക്കാണിച്ച് പറഞ്ഞു. അവൻ ആ മുറിയിലേക്ക് പോയി. ആ പെൺകൊച്ചും കൂടെ ചെന്നു.
"എവിടയാ വേദന" അവൾ ചോദിച്ചു.
"ബാക്ക് പെയ്‌നാ" അവൻ പറഞ്ഞു.
"പാന്റ്ല്പം താഴ്ത്ത് ആ കട്ടിലിൽ കമിഴ്ന്ന് കിടന്നോ.." അവൾ പറഞ്ഞു.
അയ്യേ!!! ഒരു പെൺകൊച്ചിന്റെ മുന്നിൽ പാന്‍റ്ഒക്കൊ താഴ്ത്തിക്കിടക്കുകയെന്നു വെച്ചാൽ!!
ചെ!! നാണക്കേട്!!
"നാണിക്കുകയൊന്നും വേണ്ട അല്പം താഴ്ത്തി കിടന്നോ.." വീണ്ടും ആ പെൺകൊച്ച് .
പാന്റ്ല്പം താഴ്ത്തി കട്ടിലിൽ കയറി കിടന്നു.
"ഏത് ഭാഗത്താ വേദന" അവൾ ചോദിച്ചു.
"ഇടതു വശത്താ" അവൻ പറഞ്ഞു..
കമഴ്ന്നു കിടന്ന അവന്റെ നടുവിലേക്ക് അവൾ അവിടെ ഇരുന്ന ഉപകരണത്തിൽ നിന്ന് മൂന്നാലു വയർ എടുത്ത് ഒട്ടിച്ചു വെച്ചു.
"ഈ IFT,UST എന്നൊക്കെ പറഞ്ഞാൽ എന്താ?" അവൻ ചോദിച്ചു.
"ഇതിപ്പോൾ ചെയ്യുന്ന ട്രീറ്റ്മെന്റിന്റെ പേരാ.. നമ്മളിപ്പോൾ ചെയ്യുന്നത് വേദനയുള്ളടത്തേക്ക് കുറച്ച് കരണ്ട് കയറ്റി വിടുന്നതാ.. ഞാനിതിന്റെ ഇന്റൻസിറ്റി കൂട്ടാൻ പോകുവാ.. ഇത് ഒട്ടിച്ചു വെച്ചിടത്ത് തരിപ്പു പോലെ തോന്നും..." അവൾ പറഞ്ഞു.
"ഉം..."അവൻ മൂളി..
"ഞാൻ ഇന്റൻസിറ്റി കൂട്ടകയാ.. കൂടുതൽ ആവുകയാണങ്കിൽ പറയണം"
"ഉം..."
"കൂടുതലുണ്ടോ..."
"ഇല്ല"
"മതിയോ.."
"മതി"
കട്ടിലിൽ ഒരു ബെൽ വെച്ചിട്ട് അവൾ പറഞ്ഞു.
"എന്തെങ്കിലും ബുദ്ധിമുട്ട് തോന്നുകയാണങ്കിൽ ബെൽ അടിച്ചാൽ മതി""
കർത്താവേ കല്യാണം പോലും കഴിക്കാത്ത തന്റെ നടുവിലൂടെയൊക്കെ കരണ്ട് കയറ്റി വിട്ടന്ന് അറിഞ്ഞാൽ നാട്ടുകാരൊക്കെ എന്തെല്ലാം പറയും. കെട്ടുപ്രായം തികഞ്ഞ ഒരുത്തനെ കരണ്ടൊക്കെ അടുപ്പിച്ചന്നന്ങാണം പെണ്ണിന്റെ വീട്ടുകാർ അറിഞ്ഞാൽ തന്റെ ലൈഫ് !!!
തലയ്ക്ക് അസുഖം വരുന്നവർക്ക് അസുഖം മാറാൻ ഷോക്ക് അടിപ്പിക്കുന്നതൊക്കെ സിനിമയിൽ കണ്ടിട്ടൂള്ള താൻ നടുവിന് കരണ്ട് അടിപ്പിക്കുവാണന്ന് ആ പെൺകൊച്ച് പറഞ്ഞപ്പോൾ ഞെട്ടിപ്പോയതാ.
ഹൊ!! ഏതായാലും ഒരു നിമിഷത്തേക്ക് തന്റെ നല്ല ജീവൻ പോയതായിരുന്നു...
നടൂവിന് കരണ്ടൊക്കെ അടിപ്പിക്കുമെന്ന് ഈ സിനിമാക്കാരും സീരിയലുകാരും അറിയാത്തത് കാര്യമായി. അല്ലങ്കിൽ അവന്മാർ ഈ വയറൊക്കെ നടുവിനു ഒട്ടിച്ചു വെച്ച ഒരുത്തനെ കാണിച്ച് ഡിറ്റിഎസ് സൗണ്ട് ഇഫക്റ്റിൽ ഏഴെട്ടു അലയും അഞ്ചാറും കാലിട്ടടിക്കലൊക്കെ കാണിക്കുമായിരുന്നു....
"എന്തെങ്കിലും ബുദ്ധിമുട്ട് തോന്നുന്നുണ്ടോ?" വീണ്ടും ആ പെൺകൊച്ച് ചോദ്യമായി എത്തി.
"ഇല്ല..." അവൻ പറഞ്ഞു.
അവൾ തിരിച്ചു പോയി..
പതിനഞ്ച് മിനിട്ടു കഴിഞ്ഞപ്പോൾ മെഷ്യനിൽ നിന്ന് ഒരു അലാം മുഴങ്ങി. നടുവിലേക്കുള്ള തരിപ്പ് നിന്നത് അവന് മനസിലായി. അവൾ പെട്ടന്ന് വന്നു. പ്ലാസ്റ്ററൊക്കെ എടുത്ത് വയാറൊക്കെ മാറ്റി...
"ഈ പാന്റ് അല്പം കൂടി ഒന്ന് താഴേക്ക് മാറ്റിയേ..." അവൾ പറഞ്ഞു.
കർത്താവേ!! ഇനിയും പാന്റൊക്കെ താഴ്ത്തിയാൽ ഈ പെൺകൊച്ചിന് തന്റെ നിക്കറൊക്കെ കാണാൻ പറ്റും. ശ്ശൊ!! ഇന്ങനെയൊക്കെ ആണന്ന് അറിഞ്ഞായിരുന്നെങ്കിൽ ഇതിന്നൊന്നും വരത്തതുപോലും ഇല്ലായിരുന്നു... ഈ 'യോ-യോ' പിള്ളാരെ സമ്മതിക്കണം. അവന്മാർ എന്ത് കൂളായിട്ടാ നാട്ടരുടെ മുന്നിലൂടെ പാന്റൊക്കെ താഴ്ത്തി നിക്കറൊക്കെ കാണിച്ച് നടക്കുന്നത്.. കൂട്ടം കൂടി പെൺപിള്ളാരെ കമന്റടിക്കുന്നതുപോലെയല്ല ഒരു പെണ്ണിന്റെ മുന്നിൽ ഒറ്റയ്ക്ക് പെട്ടുപോകുന്നതന്ന് കുറേക്കാലം മുന്നേ മനസിലായതാ... ദാ ഇപ്പോൾ ഈ പെൺകൊച്ചിന്റെ മുന്നിൽ.... ഇവിടെ ആണുങ്ങളാരു ഇല്ലേ...???....
"എന്താ ചിന്തിക്കുന്നത്... പാന്റ് അല്പം കൂടി ഒന്ന് താഴേക്ക് ഇറക്ക്..." അവൾ പറഞ്ഞു..
ഒരു അപരിചിതയായ ഒരു പെൺകുട്ടിയുടെ മുന്നിൽ ഇന്ങനെ കിടക്കേണ്ടി വരുകയാണന്ന് വെച്ചാൽ !!! മനസില്ലാ മനസോടെ അവൾ പറഞ്ഞതുപോലെ ചെയ്തു..
"ഇവിടെയാണൊ വേദന..."അവൾ നടുവിൽ ഓരോ ഭാഗത്തും തൊട്ടു കൊണ്ട് ചോദിച്ചു..
"അവിടെ.. അവിടെ.." അവൻ പറഞ്ഞു.
അവൾ ഓയിന്റ്മെന്റും വേറെ എന്തോകൂടി അവിടേക്ക് തേച്ചിട്ട് എന്തോ ഒരുപകരണം വെച്ച് മസാജ് ചെയ്തു.
കോട്ടൺ കൊണ്ട് ദേഹത്ത് പറ്റിയിരിക്കുന്ന ഓയിന്റ്മെന്റ് തൂത്ത് ഡെസ്ബിന്നിലേക്ക് ഇട്ടുകൊണ്ട് പറഞ്ഞു
"കഴിഞ്ഞു.. എഴുന്നേറ്റോ...."
അവൾക്ക് മുഖം കൊടുക്കാതെ എഴുന്നേറ്റ് പാന്റിന്റെ സിബ്ബും വലിച്ചിട്ട് അവൻ പുറത്തേക്കിറന്ങി... പോലീസുകാരന്റെ ഉരുട്ടലിൽ നിന്ന് രക്ഷപെട്ട കള്ളനെപ്പോലെ അവൻ ഒരു ദീർഘശ്വാസം വിട്ടു...
അന്ങനെ ഒന്നാം ദിവസം കഴിഞ്ഞു...
രണ്ടൂം മൂന്നും ദിവസം കഴിഞ്ഞപ്പോഴേക്കും അപരിചതത്വത്തിന്റെ മഞ്ഞ് ഉരുകി കഴിഞ്ഞിരുന്നു....
നാലാം ദിവസം അവൾ പറയാതെ തന്നെ അവൻ പാന്റ് താഴ്ത്തി കട്ടിലിൽ കിടന്നു....
അന്നാണ് അവൻ അവളെ ശരിക്ക് ശ്രദ്ധിക്കുന്നത്....
അവളുടെ മുഖത്ത് എപ്പോഴും ഉള്ള ചിരിക്ക് തന്നെ നോക്കി ചിരിക്കുമ്പോൾ കൂടുതൽ പ്രകാശമുണ്ടോ?? ഒന്നന്നൊര കൊല്ലമായി പല പെണ്ണുങ്ങളേയും പെണ്ണുകാണാൻ പോയ തനിക്ക് ഇങ്ങനെ മനോഹരമായി ചിരിക്കുന്ന ഒരു പെൺകുട്ടിയെ കാണാൻ കഴിഞ്ഞില്ല. ഇവളെ ആയിരിക്കുമോ ദൈവം തനിക്കായി സൃഷ്ടിച്ചിരിക്കുന്നത്.. പരസ്പരം കാണാൻ ഉള്ള നിമിത്തമാണോ തനിക്ക് വന്ന നടുവു വേദന.. ദൈവം അറിയാതെ ഒരു പ്രണയവും ഇവിടെ നടക്കുന്നില്ലല്ലോ... ഏതായാലും പോകുന്നതിനു മുമ്പ് ഈ പെൺകൊച്ചിന്റെ ഫുൾ ഡീറ്റയിത്സ് ചോദിച്ച് അടുത്ത ആഴ്ചതന്നെ പെണ്ണുകാണാൻ പോകണം. ഏതായാലും അവൾക്ക് തന്നെ ഇഷ്ടപ്പെടാതിരിക്കാൻ വഴിയില്ല... തന്നെ കാണുമ്പോൾ അവളുടെ കണ്ണുകൾ വലുതാകുന്നുണ്ടോ?? അവൾക്ക് തന്നോട് അല്പം സ്നേഹം ഉണ്ടോ? അതോ എല്ലാം തന്റെ തോന്നലുകൾ മാത്രമാണോ?? ഒരിക്കലും ഈ കാര്യത്തിൽ അശുഭവിശ്വാസി ആകാൻ പാടില്ല... ശുഭാപ്തി വിശ്വാസ ഉണ്ടങ്കിലേ മുന്നോട്ട് പോകാന്‍ പറ്റൂ...
ഏതായാലും തന്റെ ഫിസിയോ തെറാപ്പി കഴിയുന്ന പത്താം ദിവസം അവളോട് തന്റെ ഇഷ്ടം പറയണം...
ആറാം ദിവസം...
ഓയിന്റുമെന്റ് തേച്ചു കൊണ്ടിരിക്കുമ്പോൾ അവളുടെ അടക്കിയ ചിരി അവൻ കേട്ടു. എന്തിനാ ചിരിക്കുന്നതെന്ന് ചോദിക്കണം എന്നുണ്ടായിരുന്നെങ്കിലും അവൻ ചോദിച്ചില്ല..
എട്ടാം ദിവസം...
തലേന്നാളിനെക്കാൾ അല്പം ഉറക്കെയായിരുന്നു അവളുടെ ചിരി. അടക്കിപ്പിടിച്ചതുപോലുള്ള അവളുടെ ചിരി ഒന്നു കാണണമെന്ന് അവനുണ്ടായിരുന്നെങ്കിലും കമിഴ്ന്നു കിടക്കുന്നതുകൊണ്ട് അവനായില്ല.പക്ഷേ എന്തിനാ ചിരിക്കുന്നതെന്ന് ചോദിക്കാതിരിക്കാൻ അവന് കഴിഞ്ഞില്ല...
"എന്തിനാ ചിരിക്കുന്നത്..." അവൻ ചോദിച്ചു..
"ഏയ്.. ഒന്നുമില്ല.. ഞാൻ വേറെന്തോ ആലോചിച്ച് ചിരിച്ചു പോയതാ..."അവൾ പറഞ്ഞു...
അന്ന് ട്രീറ്റ്മെന്റ് കഴിഞ്ഞിറന്ങുമ്പോൾ അവൻ അവളുടെ മുഖത്തേക്ക് നോക്കി. അവളുടെ ചിരിക്ക് മറുപിടിയായി അവനും ചിരിച്ചു..
"ഇനി നാളെ കാണാം.." അവൻ പറഞ്ഞു
അവൾ ഒന്നു ചിരിക്കുക മാത്രം ചെയ്തു....
അന്നു രാത്രി.. കഴിഞ്ഞ എട്ട് ദിവസന്ങളേയും അവൻ മനസിലിട്ട് റിവൈൻഡ് ചെയ്തു... അവളുടെ ഓരോ ചലനന്ങളും ഫോർവേഡും റിവൈൻഡും ഒക്കെ അടിച്ച് സുമ്മ് ചെയ്ത് അവൻ മനസിൽ നിരീക്ഷണം നടത്തി....
അവളുടെ ഏതൊക്കെ ചലനന്ങളിലാണ് തന്നോടുള്ള ഇഷ്ടം അടന്ങിയിരിക്കുന്നത്...
അവളുടെ ഓരോ നോട്ടവും ചിരിയും അവൻ വിശകലനം ചെയ്തു...
അവസാനം അവൻ നിഗമനത്തിൽ എത്തി
അതെ അവൾക്കും തന്നോട് ഇഷ്ടമുണ്ട്...
താൻ മനസ് തുറക്കുന്നതും കാത്തിരിക്കുകയാണ് അവൾ...
(തുടരും...... )
ഭാഗം 2 വായിക്കാന്‍
